Orationes

DICENDAE CUM SACERDOS INDUITUR
SACERDOTALIBUS PARAMENTIS

Indulgentia centum dietum pro singulis orationibus. Pius Pp. XII, 14 ianuarii 1940.

Cum lavat manus, dicat:

Da, Dómine, virtutem manibus meis ad abstergéndam omnem macúlam; ut sine pollutióne mentis et córporis váleam tíbi servíre. Amén.

Ao vestir a batina:

Dominus, pars hereditatis meæ et calicis mei, tu es qui restitues hereditatem meam. Amén.

Ao vestir a sobrepeliz:

Indue me, Dómine, novum hominem, qui secundum Deum creatus est in iustitia et sanctitate veritatis. Amén.

Ad albam, cum ea induitur:

Dealba me, Dómine, et munda cor meum; ut, in Sanguine Agni dealbatus, gaudiis perfruar sempiternis. Amén.

Ad cingulum, dum se cingit:

Praecinge me, Dómine, cingulo puritatis, et exstingue in lumbis meis humdrem libidinis; ut maneat in me virtus continentiae et castitatis. Amén.

Ad manipulum, dum imponitur bracchio sinistro:

Merear, Dómine, portare manipulum fletus et doloris; ut cum exsultatióne recipiam mercedem Iabóris. Amén.

Ad stolam, dum imponitur collo:

Redde mihi, Dómine, stolam immortalitatis, quam perdidi in praevaricatióne primi parentis: et, quam vis indignus accedo ad tuum sacrum mysterium, merear tamen gaudium sempiternum. Amén.

Ad casulam, cum assumitur:

Dómine, qui dixisti: Iugum meum suave est, et onus meum leve: fac, ut istud portare sic valeam, quod cdnsequar tuam gratiam. Amén.

ORATIONES

DICENDAE AB EPISCOPO

QUANDO IN PONTIFICALIBUS CELEBRAT

Indulgenti centum dierum pro singulis orationibus. Pius Pp. XII, 14 ianurii 1940.

Ad caligas:

Cálcea, Dómine, pedes meos in praeparatiónem Evangélii pacis, et prótege me in velaménto alárum tuárum. Amén.

Cum exuitur cappa:

Fxue me, Dómine, véterem hóminem cum móribus et áctibus suis: et índue me novum hóminem, qui secúndum Deum creátus est in iustítia, et sanctitáte veritátis. Amén.

Cum lavat manus:

Da, Dómine, virtútem mánibus, meis ad abstergéndam omnem máculam immúndam, ut sine pollutióne mentis et córporis váleam tibi servíre. Amén.

Ad amictum:

Impóne, Dómine, gáleam salútis in cápite meo ad expugnándas omnes diabólicas fraudes, inimicórum ómnium versútias superándo. Amén.

Ad albam:

Deálba me, Dómine, et a delícto meo munda me: ut cum his, qui stolas suas dealbavérunt in sánguine Agni, gáudiis pérfruar sempitérnis. Amén.

Ad cingulum:

Praecínge me, Dómine, cíngulo fídei et virtúte castitátis lumbos meos, et extíngue in eis humórem libídines; ut iúgiter máneat in me vigor totíus castitátis. Amén.

Cum accipit crucem pectoralem:

Muníre dignéris me, Dómine Iesu Christe, ab ómnibus insídiis inimicórum ómnium, signo sanctíssimae crucis tuae: ac concédere dignéris mihi indígno servo tuo, ut sicut hanc crucem, sanctórum tuórum relíquiis refértam, ante pectus, meum téneo, sic semper mente retíneam et memóriam passiónis, et sanctórum victórias mártyrum. Amén.

Ad stolam:

Redde mihi, Dómine, óbsecro, stolam immortalitátis, quam pérdidi in praevaricatióne primi paréntis: et, quamvis indígnus accédere prasúmo ad tuum sacrum mystérium cum hoc ornaménto, praesta, ut in eódem in perpétuum mérear laetári. Amén.

Ad tunicellam:

Túnica iucunditális, et induménto laetítiae índuat me Dominus. Amén.

Ad dalmaticam:

Indue me, Dómine, induménto salútis et vestiménto laetítiae; et dalmática iustítiae circúmda me semper. Amén.

Ad chirothecas:

Circúmda, Dómine, manus meas mundítia novi hóminis, qui de caelo descéndit: ut, quemádmodum Iacob diléctus tuus, pellículis haedórum opértis mánibus, patérnam benedictiónem, obláto patri cibo patúque gratíssimo, impetrávit; sic et obláta per manus nostras salutári hóstia, grátiae tuae benedictiónem mérear. Per Dóminum nostrum Iesum Christum Fíllium tuum, qui in similitúdinem carnis peccáti pro nobis óbtulit semetípsum. Amén.

Ad planetam:

Dómine, qui dixísti: Iugum meum suáve est, et onus meum leve: praesta, ut illud portáre sic váleam, quod possim cónsequii tuam grátiam. Amén.

Ad mitram:

Mitram, Dómine, et salútis gáleam impóne cápiti meo; ut contra antíqui hosti omniúmque inimicórum meórum insídias inoffénsus evádam. Amén.

Ad anulum:

Cordis et córporis mei, Dómine, dígitos virtúte decóra, et septifórmis Spíritus sanctificatióne circúmda. Amén.

Ad manipulum:

Mérear, precor, Dómine, manípulum portáre mente flébili; ut cum exsultatióne portiónem accípiam cum iustis. Amén.

ORATIONES

DICENDAE AB EPISCOPO QUANDO

NON IN PONTIFICALIBUS CELEBRAT

Indulgentia centum dierum pro singulis orationibus. Pius Pp. XII, 14 ianuarii 1940.